I dey drive for road one day, den I come see dis guy and im woman been dey drive dem horse and cart. Dis one na wetin I see for township. Na sometin wey I no eva tink say I fit see for dis side of town.
DE AMISH PEOPLE
You know say when pessin say wondas shall neva end!, dat pessin dey talk about sometin wey really surprise am? Yes dat one happen to me recently. I find out about dis people wey dem dey call Amish for de frst time.
I dey drive for road one day, den I come see dis guy and im woman been dey drive dem horse and cart. Dis one na wetin I see for township. Na sometin wey I no eva tink say I fit see for dis side of town.
I dey drive for road one day, den I come see dis guy and im woman been dey drive dem horse and cart. Dis one na wetin I see for township. Na sometin wey I no eva tink say I fit see for dis side of town.
TAPIOKA or ABACHA
Abeg oo my naija brodas and sistas for yankee, una fit tell me where I fit buy some tapioka for dis country. I don check walmart, krogers, brookshires for dis tin, and none of dem get am. I done waka up and down to find me some cassava flakes to chop, and nobody get am.
Lol..., but seriously I no know wetin just do me today, but from nowhere tapioka just enter my head. And when ee enter my head, ee take style shock me, like seriously!! Na dis tin wey oyibo dey call flashback. And make I tell you..., de flashback really take me go places..., I swear!!
Lol..., but seriously I no know wetin just do me today, but from nowhere tapioka just enter my head. And when ee enter my head, ee take style shock me, like seriously!! Na dis tin wey oyibo dey call flashback. And make I tell you..., de flashback really take me go places..., I swear!!
AKATA WOMEN BEEN DEY BREASTFEED OYIBO PIKIN DEM
If you don watch dat film wey im name na THE HELP, you go see as life been dey for yankee around 1950s. Dat time, na mostly akata women dey do house helep work for onyibo women. And dat time, na de most popular work wey akata women fit get.
But dis tin no really start today. Even for way back, na akata women been dey take care of onyibo pikin dem. Wetin dat one mean na say onyibo pikin dey spend more time with akata house helep pass dem own mama.
And I believe say dat one dey make akata women to no get too much time to spend with dem own pikin dem. But I fit dey wrong about dis one, na just sometin wey I dey tink.
But dis tin no really start today. Even for way back, na akata women been dey take care of onyibo pikin dem. Wetin dat one mean na say onyibo pikin dey spend more time with akata house helep pass dem own mama.
And I believe say dat one dey make akata women to no get too much time to spend with dem own pikin dem. But I fit dey wrong about dis one, na just sometin wey I dey tink.
'LOVE' TATTOOS
I no like tattoo since time imo river. I no fit see my sef enter tattoo palor, den com sidon make anoda pessin use pin dey chook my body with dat dem electric pin. And den come begin inject my body with dem ink. My body na no go area for tattoo.
But when I look around, na so almost every pessin get tattoo for body. People dey get am for every part of dem body. Just tink of any part, somebody get tattoo for dat area. And tattoo business her dey very big. Na none stop customers wey dem dey get.
But when I look around, na so almost every pessin get tattoo for body. People dey get am for every part of dem body. Just tink of any part, somebody get tattoo for dat area. And tattoo business her dey very big. Na none stop customers wey dem dey get.
NAIRA VS DOLLAR EXCHANGE RATE
Dis post na some kind of true confession. All of us know say aside from de beta life wey we dey travel abroad for, anoda big reason wey we dey travel abroad and de country wey we dey choose, dey depend on de exchange rate of de currency of dat country money to NAIRA.
Why wey dey like to travel to countries like USA, Canada, UK and so on, na because dem currency dey high. Na one of de reason me I decide to come yankee. When you make dat dollar and den press ya calculator to see how much ee be for naira, ee dey give you confido.
Why wey dey like to travel to countries like USA, Canada, UK and so on, na because dem currency dey high. Na one of de reason me I decide to come yankee. When you make dat dollar and den press ya calculator to see how much ee be for naira, ee dey give you confido.
YOU NO FIT SEND ANY SMALL PIKIN MESSAGE FOR YANKEE
You know..., sometimes ee get de kind of tins wey you see or experience around you for dis yankee wey go make you miss naija. Some kind tins wey you fit do or say for naija and no mean any tin, but if you do am for hia, ee fit land you for serious wahala.
To discipline pikin hia na no no. No even tink am! Even sef, you no get right to discipline ya pikin de way you want. If you do dat one, na im be say na police attention wey you dey find. I know some parents wey dey even fia dem own pikin wey dem born.
To discipline pikin hia na no no. No even tink am! Even sef, you no get right to discipline ya pikin de way you want. If you do dat one, na im be say na police attention wey you dey find. I know some parents wey dey even fia dem own pikin wey dem born.
AKATA COMEDIANS
One of de ways wey I dey take pass time when I no get anytin to do, na to go for youtube to watch jokes from stand up comedy. Sometimes, I go spend hours just dey watch stand up comedy. I go watch white, akata, latino and even naija stand up comedian.
But I dey usually enjoy akata stand up comedy. De style of dis comedians just dey different. Dem no get filter for dem mouth when ee come to POLITICALLY CORRECT topics. Dem go talk about any and every tin. Dem no send at all.
But I dey usually enjoy akata stand up comedy. De style of dis comedians just dey different. Dem no get filter for dem mouth when ee come to POLITICALLY CORRECT topics. Dem go talk about any and every tin. Dem no send at all.
DARK SKIN vs LIGHT SKIN
Among akata people for hia, dem get dis tin wey dem dey always argue about. Dat tin na de color of dem skin. Yes oo! Dos wey get light skin dey tink say dem beta pass dos wey get dark skin. And dos wey get dark skin no like light skin people.
Dis tin wey I dey tell you be VERY serious mata for hia. Ee dey even cause serious quarel for among family members. Light skin family members dey feel say dem beta pass dos wey get dark skin. Even sef some parents dey show more love to de pikin dem wey get light skin. Dis na sometin wey I don witness with my own korokoro eyes.
Dis tin wey I dey tell you be VERY serious mata for hia. Ee dey even cause serious quarel for among family members. Light skin family members dey feel say dem beta pass dos wey get dark skin. Even sef some parents dey show more love to de pikin dem wey get light skin. Dis na sometin wey I don witness with my own korokoro eyes.
WE FOR YANKEE SUPPOSE TANK GOD FOR SOME KIND TINS WEY WE DEY ENJOY FOR HIA
To begin talk say yankee no get light problem go be very old tory. Yes we know say when ee come to steady light, we naija no fit compare to yankee people. But I dey hia say light don dey dey steady small small since oga Buhari take ova.
Abi na oda tins like say nobody still dey wash cloth for hand, or say wata dey reach everybody house, or say coal tar reach ya very domot e.t.c. Ee get oda plenty plenty tins wey dey for dis yankee wey dey make life to dey very easy for pessin.
No wonda say afta we wey be foreigners complain of how dem dey treat us bad (racism) and how we dey miss we country, still nobody wan go back to where im come from. Deep down you know for ya mind say tins for hia still beta pass where you come from.
Abi na oda tins like say nobody still dey wash cloth for hand, or say wata dey reach everybody house, or say coal tar reach ya very domot e.t.c. Ee get oda plenty plenty tins wey dey for dis yankee wey dey make life to dey very easy for pessin.
No wonda say afta we wey be foreigners complain of how dem dey treat us bad (racism) and how we dey miss we country, still nobody wan go back to where im come from. Deep down you know for ya mind say tins for hia still beta pass where you come from.
BACKGROUND CHECK
For dis place eh, dem go check you up and down, even sef ee remain dem to check ya pant to see weda you get anytin wey you dey hide. I dey talk dis one as ee take concern de tin wey dem dey call background check. Afta you don apply for work, or even as you dey fill de application form, you go see space wey dem go ask you if you do commit any crime before.
If you like make you lie, dat one concern you. Afta you don submit ya application form, dem go run background check with police to find out weda wetin you talk for ya form na true or na lie. And make God helep you say you no talk true.
If you like make you lie, dat one concern you. Afta you don submit ya application form, dem go run background check with police to find out weda wetin you talk for ya form na true or na lie. And make God helep you say you no talk true.
MY YANKEE FRIEND NO GO LET ME REST
Dis people no wan let me rest anytime dem come my house when I dey cook. Na so I go dey hia tins like- wetin be dat? Na wa oo..., wetin die for ya house? Wetin be dat tin wey you like to cook wey dey smell like rat wey don die for long?
See me see wahala oo! How wetin I dey cook for my own house come dey concern dem like dis? Anyway sha..., de tin wey dey worry my friends nose na my crayfish and dry fish wey I dey use cook. Dis na sometin wey no dey common hia. Even sef, most people hia no even know say you fit dry fish.
Anytime pessin wey I know travel to naija, I dey always get plenty supply for soup tins. Me I like to cook naija food for hia. Dem fast food no dey gree master my body.
But my friends dey always like my food anytime when I cook am finish. Dem go chop and almost lick plate. So de tin dey surprise me as dem no fit stand de smell of crayfish and dried fish.
Well me I don dey use to de smell sotey ee no dey even enter my mind say dis tins get bad smell. and me I no get any plan to stop to use dis tins when I dey cook. My yankee friends just need to adjust dem nose to de smell of my ingredients oo!!
See me see wahala oo! How wetin I dey cook for my own house come dey concern dem like dis? Anyway sha..., de tin wey dey worry my friends nose na my crayfish and dry fish wey I dey use cook. Dis na sometin wey no dey common hia. Even sef, most people hia no even know say you fit dry fish.
Anytime pessin wey I know travel to naija, I dey always get plenty supply for soup tins. Me I like to cook naija food for hia. Dem fast food no dey gree master my body.
But my friends dey always like my food anytime when I cook am finish. Dem go chop and almost lick plate. So de tin dey surprise me as dem no fit stand de smell of crayfish and dried fish.
Well me I don dey use to de smell sotey ee no dey even enter my mind say dis tins get bad smell. and me I no get any plan to stop to use dis tins when I dey cook. My yankee friends just need to adjust dem nose to de smell of my ingredients oo!!
MARTIN LUTHER KING BOULEVARD
As me and one of my friends been dey stroll for him moto one day, we reach one junction like dat. Den I come tell am to turn left so dat we fit see wetin dey dat street. My friend say lai lai him no go enter dat street for dis night.
'Ah ah.., wetin do de street?', be wetin I come ask am. My guy come tell me say dis side of town na de rough side- na de south side. I come later find out say de name of de street na MLK boulevard. Dis na short form for Martin Luther King boulevard.
'Ah ah.., wetin do de street?', be wetin I come ask am. My guy come tell me say dis side of town na de rough side- na de south side. I come later find out say de name of de street na MLK boulevard. Dis na short form for Martin Luther King boulevard.
MY FIRST RODEO
How many of una don ride horse before? For dos of una wey don ride am, how de tin dey feel for body? Me I neva fit get de mind to climb horse back. Ee dey always dey me like say de horse go fling me like stone from catapult.
Now na how many of una don ride cow? Yes I mean nama! Lol. I know say dat quesion get as ee be. But make dat one no too surprise you oo! Dis na because for hia for yankee, ee get one kind special sports wey people dey ride cow. Dem dey call am RODEO.
TRANSGENDER PEOPLE
No be small tin oo! Pessin wey God create finish, go look im sef for mirror den decide by im sef say God been make mistake to create am as man or woman. Den dat pessin go use im own hand come change im sef to anoda tin. Cold catch me for dis one!!
I tink by now everybody don sabi say for yankee, de tin wey dem claim say dem get yanfu yanfu na say everybody get de freedom to do anytin wey dem like, unless say dem no break any law. But if you don live for dis country tey, you go sabi say dat talk about freedom no be as dem dey talk am.
I tink by now everybody don sabi say for yankee, de tin wey dem claim say dem get yanfu yanfu na say everybody get de freedom to do anytin wey dem like, unless say dem no break any law. But if you don live for dis country tey, you go sabi say dat talk about freedom no be as dem dey talk am.
TYPICAL BEER PALOR FOR YANKEE
If you be kind of guy wey like to go drink beer palor and you dey for dis country, you go notice de big difference between naija beer palor and beer palor for yankee. De first big difference na say for hia, dia beer palor dey sell almost any type of alcohol wey you fit think of, from beer to wine to all kinds of kai kai.
And dem dey sell dia beer from special tap. Dem go serve you de beer for draft (dis na regular glass cup) or pitcher (dis na big glass jug wey you fit share if una dey for group). But dem still dey sell beer for bottle.
And den oda differences, na say dem must close around certain time. No mata how many people still wan drink you must close. In fact ee get de way dem go don program dem cash register, de tin go stop to work when closing time reach. And so when dat time don dey reach, like 30 mins to de time, de bar tender go begin shout 'last call'. Dat one mean say if you still wan buy drinks, make you hurry buy before dem close.
And dem dey sell dia beer from special tap. Dem go serve you de beer for draft (dis na regular glass cup) or pitcher (dis na big glass jug wey you fit share if una dey for group). But dem still dey sell beer for bottle.
And den oda differences, na say dem must close around certain time. No mata how many people still wan drink you must close. In fact ee get de way dem go don program dem cash register, de tin go stop to work when closing time reach. And so when dat time don dey reach, like 30 mins to de time, de bar tender go begin shout 'last call'. Dat one mean say if you still wan buy drinks, make you hurry buy before dem close.
SPECIAL EDUCATION (special ed.)
Ok..., for una wey get pikin for dis country, make una shine una eye read dis post well well! And for de rest of una, make una learn sometin new from dis post. Dis post na about one group of students for primary and sekondari skools. Dem dey call dis ones special education students (or special eds).
Dis students really dey special. Dem get dem own program for any skool wey dem dey. Dia own teachers dey different. And most skools get dem own special class. And when dem wan write wetin dey like WAEC for hia, dem own quesions dey different.
I remember one of my first work for yankee, I been teach small for one sekondari skool for my area. I notice say ee get dis students wey de skool tell me to give special attention. If I give classwork, I need to give dem less quesions and extra time to finish. I get to read de quesions to dem sometimes. And if dem special condition dey very serious, den dem get specialist wey go teach dem.
Dis students really dey special. Dem get dem own program for any skool wey dem dey. Dia own teachers dey different. And most skools get dem own special class. And when dem wan write wetin dey like WAEC for hia, dem own quesions dey different.
I remember one of my first work for yankee, I been teach small for one sekondari skool for my area. I notice say ee get dis students wey de skool tell me to give special attention. If I give classwork, I need to give dem less quesions and extra time to finish. I get to read de quesions to dem sometimes. And if dem special condition dey very serious, den dem get specialist wey go teach dem.
MY CASINO EXPERIENCE FOR LAFAYETTE, LOUISIANA
Last weekend I been go one casino wey dey near my town. Dem dey call am THE BOAT, wey dey for Lafayette for Louisiana. No be my first time to go dia. But ee don tey small since I been go. Casino na place wey I feel say I dey go troway my money..., lol. I neva go dia before den win money. Me and gambling no be friend at all. I feel say why people no dey too win for casino na because for dia beer na free oo! I dey tell you. Drink as you like and spend excess. Lol!
Anyway sha, dis time when I go, I been win small money. But na afta I don play for long time. Me I no dey go near dos black-jack tables. Na for de big fish dem. Na de slot machines I dey anchor, plenti types dey to play with small money. And whenever I go casino, I dey stay till de next day, den begin come back house around 4 o'clock for morning.
TONARDO NEARLY CARRY ME GO
When pessin dey see as nature dey scatter some places with hurricane, tornado or tsunami, you no go tink say de tin fit reach ya side. I dey always imagine wetin ee be like to experience any of dis tins. But yet, I go dey pray make ee no ever happen for where I dey.
All dat one change for me last week sunday! Ee get dis tornado wey reach awa side. De kind fia wey catch my body dat night no be small. Na so my body dey shake like leaf. Sleep fly comot for my eye. Na so I dey look for window, den watch tv to hear weather update and den comot outside to see wetin dey happen.
All dat one change for me last week sunday! Ee get dis tornado wey reach awa side. De kind fia wey catch my body dat night no be small. Na so my body dey shake like leaf. Sleep fly comot for my eye. Na so I dey look for window, den watch tv to hear weather update and den comot outside to see wetin dey happen.
SEE AS AIRPORT DEY EVERYWHERE
Now wey all man don dey buy private jet for naija, I feel say now na de time for us to build at least one airport for the thirty six states wey we get. So dat all dis people wey we no know how dem make dis dem money fit dey land for any state wey dem dey go. But seriously, I also feel say dis one go make ordinary people waka around naija to dey more easy and fast. People no go too dey rely for moto to travel around.
Just like for yankee, every state get at least two or three international airport. You fit dey for ya state and fly out to any part of de world wey you wan go. And den dem get uncountable small small airports wey dey helep serve local travel. Towns we get population like fifty or sisty thousand get dem own airport. And de tin dey work well. If you wan travel go any big city, wetin you need na to join connecting flight from de airport for de small towns.
Just like for yankee, every state get at least two or three international airport. You fit dey for ya state and fly out to any part of de world wey you wan go. And den dem get uncountable small small airports wey dey helep serve local travel. Towns we get population like fifty or sisty thousand get dem own airport. And de tin dey work well. If you wan travel go any big city, wetin you need na to join connecting flight from de airport for de small towns.
DUMPSTER
De way wey govment for hia dey keep de towns clean, go make pessin appreciate say govment dey really do dem work. For every town, no mata how small wey dat town be, dem get sanitation department wey dey make sure say dutty no dey pile up for any area for de town. Dem work na to go round to collect dutty from every house and office and den go troway am for one central dump ground.
For de apartment wey dey live, we get dis big dustbin wey dem dey call dumpster. And den every thursday, de sanitation office for the county wey I dey live, go use dia lorry to come offload de dumpster. Every single thursday, dem must come. No delay or any excuse. And na so dem go go from house to house to go collect people dutty.
If you dey live for wetin dem dey call house for hia, dem go give you special govment dustbin for you to put all ya dutty. And when dem come with dia lorry, you must put ya dustbin for near de road for dem to see. And you no need to worry, beacause say dem must come to offload ya dustbin every week.
For de apartment wey dey live, we get dis big dustbin wey dem dey call dumpster. And den every thursday, de sanitation office for the county wey I dey live, go use dia lorry to come offload de dumpster. Every single thursday, dem must come. No delay or any excuse. And na so dem go go from house to house to go collect people dutty.
If you dey live for wetin dem dey call house for hia, dem go give you special govment dustbin for you to put all ya dutty. And when dem come with dia lorry, you must put ya dustbin for near de road for dem to see. And you no need to worry, beacause say dem must come to offload ya dustbin every week.
MAKE WE CHEW TOBACCO
For naija, people dey smoke tobacco or put am for dem nose. Dat na wetin I see and na de only two ways wey I know say you fit put tobacco for ya body. But when I come yankee, I come discover say ee get anoda way wey you fit put tobacco for ya body. You fit put am for ya mouth and come begin suck am like sweet.
When I discover dis one, ee really shock me. And de way wey I take find out really turn my belle. I dey for library one day, and I notice say one guy wey sidon opposite me been dey pour spit inside pure wata bottle. I also come notice as him mouth swell up for one side. Na dia wey him put de tobacco. De guy no even try to hide de bottle wey don by dis time almost reach half with him brown spit.
Any time I raise my head and my eye jam de bottle, ee just dey like say I wan vomit. Na so de tin go dey draw like okro. Den I later come ask my study partner wetin dat guy dey spit inside dat bottle. Him come begin explain to me say na tobacco wey de guy dey spit inside de bottle.
De tobacco dey dey for one iron container wey resemble shoe polish container. You go put de tobacco for de corner of ya mouth or under ya teeth. Den you go come begin suck am small small. Some dey swallow de tobacco or spit am out. If you finish to suck out de juice from de tobacco for ya mouth, you go spit am and den put de next one for de same place or for anoda corner of ya mouth.
Dis kind way to use tobacco dey very popular with onyibo people wey dem dey call country folks or rednecks. Na mostly de men dem wey dey suck tobacco, but some women dey use am too. You go sabi pessin wey dey suck tobacco from de way wey him go dey spit constantly. And de spit dey always dey green or dark brown. And if you look dem teeth, na so ee dey get multicolor.
If you go any gas station, you go see de tobacco for containers wey dey exactly like de original snuff container. I been no know say na wetin ee be until I see as dat guy for library bring out de container from him pocket.
And I hia say to use tobacco like dat be one of de main cause of mouth cancer and throat cancer. And I sure say de taste go dey very bad. But as dem dey talk am, everybody get im own poison wey im like. And I sure say I don tell una my own poison before. Well if you no know or you don forget, my own na beer.
NIGERIAN NEWS, NIGERIAN NEWSPAPER, OSHIOMHOLE, OBASANJO, BUHARI, AMAECHI, TINUBU, GEJ, KESHI, SUPER EAGLES, CHELSEA, WIZKID, DAVIDO, WIZKID, DAVIDO, LINDA IKEJI, DON JAZZY,
JAY Z, OBAMA, JUSTIN BIEBER, DRAKE, CHRIS BROWN
HILLBILLIES and REDNECKS
If you tink say for yankee, dem no get dem own village people, den you need to tink am again. For hia, dem get two special group of people wey dem dey call hillbillies and rednecks. Dis na de onyibo village people for yankee. Most people dey see dem like dos wey no get too much sense or as people wey no allow modern life to come dem community.
Hillbillies dey live for eastern part of yankee, from around Mississippi to New York. Dem dey call dis area Appalachia. De area get plenty mountains and dis na how dem get de attachement 'hill' for dem name hillbilly. Hillbillies dey mostly live on top or around dis mountains.
Dem dey depend on de area for everytin. Dem dey hunt, fish and use de wood around de area to build house. Dem no wan get anytin to do with modern life. And dia community na for only dem dem. No outsider dey welcome to come stay for de area. And so de popular suspicion na say dem dey marry dem own blood.
PIN MONEY FOR YA DRESS
I remember one day wey I see one of my fellow worker pin money for her dress. I come ask her why she do am, den she tell me say na her baiday. "Ok, na ya baiday, but why you come pin money for ya dress?" Den she come tell me say na money wey people give her for office wey she pin for her dress.
I don notice say for work place, if na ya baiday people go give you money so dat you go pin am for ya dress. Dis one go make any oda pessin wey see am to know say na ya baiday and dem go donate for you too. I don see as some people go pin money until ee go reach dia knee.
De main reason for dis pining money tin na for dos wey no get time to buy gift or card for you to still do sometin to show say dem dey wish you happy baiday. One of my female coworker ask me to donate money for her baiday one time like dat. And for you to donate, you get to pin de money by ya sef.
You need to see me as I dey struggle with de pin and also dey try to make sure say I no "inappropriately" touch her blom-blom. I no lie you, de tin big sha and my eye take style dey look anoda tin as I dey pin my $5 for her dress. For hia sexual harassment na very easy tin for pessin to put for ya head. So most guys wey no get liver go just give de woman de money to pin by her sef. But as most tins for hia get double standard, de women no dey feel any shame when dem dey pin de money for men shirt (aftarall no be wetin we like?).
NIGERIAN NEWS, NIGERIAN NEWSPAPER, OSHIOMHOLE, OBASANJO, BUHARI, AMAECHI, TINUBU, GEJ, KESHI, SUPER EAGLES, CHELSEA, WIZKID, DAVIDO, LINDA IKEJI, DON JAZZY,
JAY Z, OBAMA, JUSTIN BIEBER, DRAKE, CHRIS BROWN
YANKEE AND NUMBERS
If you don stay for dis yankee for some time, you go sabi say plenty part of dem life connect well well with numbers. Dem go describe most tins like pessin weight or how long ya travel go be or wetin weather be outside with numbers.
For hia, pessin weight na very serious mata, especially for women dem. Na so everybody dey check dem weight, so dat dem fit know weda dem don gain or lose weight. And dem dey measure am for pounds (we ma dey use kilograms). When some women just gain sometin like 5 pounds, ee go be like say world don end for dem. Na so dem go dey try everytin to lose de weight. And de sharp business men don sabi dis one. Na so dem go dey full TV with different advert of how to lose weight.
For hia, pessin weight na very serious mata, especially for women dem. Na so everybody dey check dem weight, so dat dem fit know weda dem don gain or lose weight. And dem dey measure am for pounds (we ma dey use kilograms). When some women just gain sometin like 5 pounds, ee go be like say world don end for dem. Na so dem go dey try everytin to lose de weight. And de sharp business men don sabi dis one. Na so dem go dey full TV with different advert of how to lose weight.
ADOPTION- how to turn anoda pessin pikin to ya own
I wan make you imagine de kind tins wey been dey go on for my mind when one of my co-workers introduce him pikin to me. My co-worker na white woman, and her pikin na black boy. Initially I been tink say I no hia detin wey she tell me. I been tink say my ear dey deceive me. Ee take me some time to process wetin just happen. Why de tin surprise well well, I no really know!!
Well, may be na sake of say dat time, I still dey new to yankee and I neva too dey familiar with dem culture of adoption. Na later I come find out say de tin dey very common for hia. Some couples fit decide to no born pikin of dem own, and dem go go adopt. Now color no dey too mata when people dey adopt.
Plenty times I don meet family where plus de ones wey dem born, dem go adopt one or two more pikin. And dem go talk about am like say na normal tin. Sometimes when husband and wife don train de pikin wey dem born, and de house don empty, dem go adopt oda small pikin. I remember my professor wey supervise my project..., him show me photo of him pikin dem. Only three out of de eight pikin wey him show me be de ones wey him and him wife born!
Well, may be na sake of say dat time, I still dey new to yankee and I neva too dey familiar with dem culture of adoption. Na later I come find out say de tin dey very common for hia. Some couples fit decide to no born pikin of dem own, and dem go go adopt. Now color no dey too mata when people dey adopt.
Plenty times I don meet family where plus de ones wey dem born, dem go adopt one or two more pikin. And dem go talk about am like say na normal tin. Sometimes when husband and wife don train de pikin wey dem born, and de house don empty, dem go adopt oda small pikin. I remember my professor wey supervise my project..., him show me photo of him pikin dem. Only three out of de eight pikin wey him show me be de ones wey him and him wife born!
BASEMENT
Ee neva too tey wey tornado visit two small towns for Illinois state- Rochelle and Fairdale. No be small tin oo! De tin level the place. All de houses for de two towns disappear, and na so property scatter everywhere. For hia, dem dey like build house with wood and plastic sheets, and when any of de big breeze come, na so ee go knack dia house fall like paper.
But de good tin be say na only one pessin die and some wey get wound for dis tornado. Normally dis kind tornado dey kill plenty people. De tin wey dey save some na say dem house get hole for ground wey dem dey call basement. Once dat strong wind don begin come, na so all man go rush go under ground to go hide. If you no get basement ,you go enter ya bathtub and cover ya sef well well.
But de good tin be say na only one pessin die and some wey get wound for dis tornado. Normally dis kind tornado dey kill plenty people. De tin wey dey save some na say dem house get hole for ground wey dem dey call basement. Once dat strong wind don begin come, na so all man go rush go under ground to go hide. If you no get basement ,you go enter ya bathtub and cover ya sef well well.
PRENUP
"For better or for worse, till death do us part.....,". No oo...., pastor you go slow down with dat ya talk oo! For yankee na for beta for best! Nobody get time for worse oo! If ya money finish, na bye bye until forever! So na im make most men wey don make plenty money no wan take chances with dis gold diggers wey dey everywhere. Dem go make you sign paper wey go stop you to collect half of dem property.
You see for hia,divorce na normal tin oo! You wake up and no like to see ya wife or husband face, you go just divorce am. People no get patience at all when ee come to settle marriage mata. Some go even make excuse just to make sure say dem end de marriage.
You see for hia,divorce na normal tin oo! You wake up and no like to see ya wife or husband face, you go just divorce am. People no get patience at all when ee come to settle marriage mata. Some go even make excuse just to make sure say dem end de marriage.
MAKE WE HAIL DE ALMIGHTY C.P.S!!!
If you get pikin for dis country, de number one pipo wey you suppose fia well well na CPS. CPS full name na Child Protective Services. Dis na de guys wey go come collect ya pikin for ya hand if dem feel say you no dey take proper care of dem as govment want. I say eh..., dos pipo don rearrange plenty families like as pessin dey shuffle whot. Once dem land ya house, dem no get time to yan with you, dem go use police carry ya pikin comot. And if dem feel say ya case serious, dem go arrest you join.
I don see pipo especially single mama dem wey don lose dem pikin for some kind simple tins like dem pikin dey play den come get wound. CPS go say na "child endangerment". Parents dey fia to correct dem pikin because dem no wan enter any wahala with dos pipo. If you flog ya pikin, give am mark and ya pikin teacher see am for skool, you don buy mrket be dat. And most children understand dis one and dem dey use am threaten dem papa and mama. If you wan correct ya pikin, den dem go remind you of CPS.
I don see pipo especially single mama dem wey don lose dem pikin for some kind simple tins like dem pikin dey play den come get wound. CPS go say na "child endangerment". Parents dey fia to correct dem pikin because dem no wan enter any wahala with dos pipo. If you flog ya pikin, give am mark and ya pikin teacher see am for skool, you don buy mrket be dat. And most children understand dis one and dem dey use am threaten dem papa and mama. If you wan correct ya pikin, den dem go remind you of CPS.
CAR MORTGAGE
One of my guys lose him moto today. De company wey him buy de car from come tow de car from him house. Dem talk say him neva pay him car note for dis months wey just pass. Car note na small small payments wey him supposed to dey pay every month until him finish to pay for de moto. And na moto wey him don dey pay for since one year now. Just because say him miss to pay for one month, dem come collect de car! Dis one no good at all na.
Na im make me I no like anytin wey pessin fit buy as mortgage. For ya mind you go tink say na ya property, and you go dey denge dey pose with am. But you don forget say na borrow pose wey you carry so. When you no come pay ya monthly dues, na dat time you go sabi say na rent wey you rent dat tin.
Na im make me I no like anytin wey pessin fit buy as mortgage. For ya mind you go tink say na ya property, and you go dey denge dey pose with am. But you don forget say na borrow pose wey you carry so. When you no come pay ya monthly dues, na dat time you go sabi say na rent wey you rent dat tin.
YOU GO SLEEP FOR COUCH DIS NIGHT!!
For some of my old post, I don talk as how de babes for hia dey behave different from naija babes. No be small tin for hia oo! For hia de babes open eye well well, and like I don talk before, de laws hia dey side with dem too much. Dis one don give dem too much freedom to do anyhow when dem like.
My friend tell me wetin happen to am recently wey make me laff well well. Him and him girlfriend been get small quarrel and den de babe tell am to go sleep for couch wey dey for palour. When I hia dis one, laff no gree me breath at all.
My friend tell me wetin happen to am recently wey make me laff well well. Him and him girlfriend been get small quarrel and den de babe tell am to go sleep for couch wey dey for palour. When I hia dis one, laff no gree me breath at all.
LIBRARY FOR EVERY TOWN
Na just recent wey I notice say library na very important tin wey you go see for every town. No mata how small de town be for yankee, you go see police station, post office and city hall and den library. I been dey dis small town wey dem dey call Troup for Texas. Dis na town wey de population no reach one thousand people.
So I decide to enter de library to see wetin dey happen inside. Ee get books as usual, and den I see computer with internet wey get very fast speed. Dis na place wey dey like any village for naija. De whole inside full with books. Everytin dey well arranged and in order.
So I decide to enter de library to see wetin dey happen inside. Ee get books as usual, and den I see computer with internet wey get very fast speed. Dis na place wey dey like any village for naija. De whole inside full with books. Everytin dey well arranged and in order.
DIS ONE NA MY EXPERIENCE FOR NIGERIAN EMBASSY OFFICE WEY DEY FOR ATLANTA AS I GO TO COLLECT MY E-PASSPORT!
Last friday I travel go Atlanta to go renew my passport. I go change my passport to de one wey dem dey call e-passport. I don postpone dis trip too may times until I come decide to do am before March finish. And I go tell you say de waka to get my new passport no be small waka.
I start online to find out wetin and wetin I need to carry go de embassy office. My online waka come turn to full time research abi na project. I see plenty sites wey tell me different tins wey I need to carry go de embassy office. From birth certificate, local government identification letter to gurrantor letter wey I go declare all my property.
I start online to find out wetin and wetin I need to carry go de embassy office. My online waka come turn to full time research abi na project. I see plenty sites wey tell me different tins wey I need to carry go de embassy office. From birth certificate, local government identification letter to gurrantor letter wey I go declare all my property.
NA WA OO! SO JESUS NA BLACK MAN?
All my life for naija, na onyibo man wey I know as Jesus Christ. From de photo wey dey hang for awa church to calendar wey you fit buy for market, na onyibo with long hair wey I dey see. Even sef de "jesus film" wey we dey watch for christmas and easter get onyibo Jesus.
Na when I come yankee I come hia for de first time say him fit be black man. Yes oo..., de tin take style surprise me. Na by accident wey I hia dis one. Me and one akata guy been dey talk, him dey ask me about Africa, and him come dey tell me about dem own experience.
DIS KIND OF PUPSI and MUMSI DEM SEF
Sometimes I like to go watch basketball for sekondari skools around my area. Na one of de ways I dey use pass time for hia. When pessin no get anytin to do for friday, I go just go chill for one of dis games. Sports hia na big past time. Every skool get at least one type of sports wey dem dey play.
And home games dey big like mini carnival for dos wey dey live around de skool. Na do everywhere go dey bubble. Dos wey don gradge for de skool go come watch de game. Some people dey travel from long distance just to come watch dem former skool basketball or football games. And crowd dey plenti pass for de football games.
And home games dey big like mini carnival for dos wey dey live around de skool. Na do everywhere go dey bubble. Dos wey don gradge for de skool go come watch de game. Some people dey travel from long distance just to come watch dem former skool basketball or football games. And crowd dey plenti pass for de football games.
DIFFERENT DIFFERENT WAYS TO EAT POTATO
I remember one time wey one of my friend invite me to im baiday party, and na dia I see one special way wey you fit cook potato. Dem dey call am baked potato. De way dem dey make am na to wash de potato with de skin and just bake am like dat. When ee don, you use knife cut am open to make one long deep hole inside.
And you fit put anytin wey you like inside like cheese, bacon wey dem cut to small pieces, lettuce, cream or wetin dem dey call ranch for hia, ground beef, butter. You need to put dis tins when de potato still dey hot so dat everytin go melt inside and mix well with de potato.
And you fit put anytin wey you like inside like cheese, bacon wey dem cut to small pieces, lettuce, cream or wetin dem dey call ranch for hia, ground beef, butter. You need to put dis tins when de potato still dey hot so dat everytin go melt inside and mix well with de potato.
MEXICAN FOOD, MEXICAN STORE and MEXICAN RESTAURANT
I like Mexican food no be small. I fall in love with dis type of food when I been dey skool. With all de fast food wey dey everywhere around de skool, I been dey find am hard to find beta tin to chop. And as I dey find de place wey I fit buy de kind food wey I like, I come jam dis Mexican restaurant wey dem call TACO BUENO.
Afta de first day, na so I begin go dia almost every time. De food just dey sweet me each time I go dia. I begin try all de types of foods wey dem get for dia menu. And I come notice say dem food cheap too.
Afta de first day, na so I begin go dia almost every time. De food just dey sweet me each time I go dia. I begin try all de types of foods wey dem get for dia menu. And I come notice say dem food cheap too.
NAIJA POLICE NA YA FRIEND SOMETIMES
As you begin read dis post, I know say you go dey wonda wetin I mean by say naija police be ya friend. Well..., I go try explain wetin I mean. As pessin wey don jam police for hia one or two times, I go tell una dis one..., if na naija police I been jam for one or two times, I for no suffer de kind tins wey I suffer for yankee police hand.
De very first tin wey you go learn for dis country wen you begin drive na say- de fia of korofo na de beginning of wisdom. Once you just see dem moto, ee go be like say na ghost wey you see. You go grab ya steering, and you go begin drive slow slow. Na so ya heart go begin beat fast fast.
De very first tin wey you go learn for dis country wen you begin drive na say- de fia of korofo na de beginning of wisdom. Once you just see dem moto, ee go be like say na ghost wey you see. You go grab ya steering, and you go begin drive slow slow. Na so ya heart go begin beat fast fast.
DATE OUTSIDE YA RACE
Dis na topic wey I don postpone tire, but today I don try get enough liver to talk about am. Na de tory of wetin ee be like to date pessin wey come from anoda race, weda na onyibo, chinese or latino, all join.
I no wan begin sound like say me I be casanova, but when ee come for woman mata...., well I go talk say I no dey carry last for dat department. And yes I don date babe from anoda race. And I no go begin use dis my blog to talk say babes from anoda race beta or worse pass babes from my race. Woman na woman. All de good tins and de bad bad tins you go find for ya own race dey for oda people race. Dat one na known fact, I don experience am from both sides.
I no wan begin sound like say me I be casanova, but when ee come for woman mata...., well I go talk say I no dey carry last for dat department. And yes I don date babe from anoda race. And I no go begin use dis my blog to talk say babes from anoda race beta or worse pass babes from my race. Woman na woman. All de good tins and de bad bad tins you go find for ya own race dey for oda people race. Dat one na known fact, I don experience am from both sides.
NEXT WEEK NA SPRING BREAK
Party time don come again for students for hia. Na dis time when young people get all de time to do all dem gbedu wey dem don dey plan tey tey. March na de month wey most skools, from primary to university dey give dem students one full week to go rest.
But most students no dey rest at all. Na party party all of dem dey do. And na for southern yankee wey students dey usually go to party. Dis one na because around dis time, de northern states still cold, and most of de party dey happen outside especially for dem beaches. So places for south like Maimi, Las Vegas, New Orleans and even some parts of Mexico dey full yanfu yanfu with undergrad students. And na dat time hotels and night clubs dey make plenty money.
But most students no dey rest at all. Na party party all of dem dey do. And na for southern yankee wey students dey usually go to party. Dis one na because around dis time, de northern states still cold, and most of de party dey happen outside especially for dem beaches. So places for south like Maimi, Las Vegas, New Orleans and even some parts of Mexico dey full yanfu yanfu with undergrad students. And na dat time hotels and night clubs dey make plenty money.
AMERICAN FOOTBALL, na wetin yankee people dey call dem own football, and come dey call FOOTBALL, SOCCER.
Dis american football tin na one sports wey I don try well well to understand but no still know wetin dem dey do. First of all dem dey call am "football", but na mostly with hand wey dem dey use play am. And almost everytin wey dem dey do for de game resemble wetin rugby players dey do for dia game.
For hia, american football na very big tin. Almost every skool from junior secondari to university get dem own football team. De skools get football programs wey dem dey organize like professional sport programs. Each skool must get standard field. And each team must get dem own supporters club wey dem dey call marching band. Dem go dey play music through out de game.
AMERICAN GREED! no be only naija guys sabi 419, infact dos wey dey do am for hia get PhD for 419
If you still dey tink say na only Naija sabi 419, den you need to tink again! Ee get dis program wey I like to watch wey de name be AMERICAN GREED. De kind of wayo wey dis pipo dey do for hia no get part two. Dia own kind of wayo na 'de more you look de less you see'.
I say eh, dis guys go register dem wayo business, even get headquarters and branches. Everytin go dey legit for de outside, but for inside na proper 419 arrangee!! Most of de wayo biz na for real estate, stock market, pension funds, clinics, oil and gas...., de list no get ending.
I say eh, dis guys go register dem wayo business, even get headquarters and branches. Everytin go dey legit for de outside, but for inside na proper 419 arrangee!! Most of de wayo biz na for real estate, stock market, pension funds, clinics, oil and gas...., de list no get ending.
AZUKA OGUJIUBA vs DBANJ
I been jam dis aricle online wey dis babe Azuka write about de koko master- Dbanj. De tin take style long and carry plenty yabis against my guy. Ee dey like say de babe and Dbanj be paddy before or dem still be friends? De main tory for de article na say ee be like say Dbanj star don begin fall.
She talk as dem first meet and how she helep him and Don Jazzy become popular. And how Dbanj come begin form levels for dos people wey helep am for him career. Well all dis one no be wetin catch my attention for de write up. Wetin I find very interesting na when she begin talk about de guy 10 year anniversary celebration.
She talk as dem first meet and how she helep him and Don Jazzy become popular. And how Dbanj come begin form levels for dos people wey helep am for him career. Well all dis one no be wetin catch my attention for de write up. Wetin I find very interesting na when she begin talk about de guy 10 year anniversary celebration.
404 IS NOT READY FOR HIA OO!
Omo no be small tin oo! Icause some kind controversy with some people wey I been dey gist with. We been dey talk about food, and so we come begin talk about some of de kind meat wey we like. Pig meat na number one meat for yankee, and den beef and chicken. Well beef and chicken one na normal meat for every place for de world wey you go.
Den tory come enter de WEIRD meat wey dem don chop. De list long no be small, aligator, raccon, hogs (bush pig), duck faul, bush rat, horse, squirrel. Okay now..., I tink say tory don end dia, na im dem come ask me de kind meat wey we dey chop for Naija.
Den tory come enter de WEIRD meat wey dem don chop. De list long no be small, aligator, raccon, hogs (bush pig), duck faul, bush rat, horse, squirrel. Okay now..., I tink say tory don end dia, na im dem come ask me de kind meat wey we dey chop for Naija.
NAIJA COUPLE AND DEM WAHALA!!- dis man just open him wife yansh for internet
For dos people for Naija wey still dey doubt some of de kata-kata wey dey happen for some Naija families hia, dis youtube video go open una eye well well. Dis husband don really hear am for him wife hand.
My guy just dey lament for de video how him wife tell am say anoda Naija guy dey do clearing and forwarding for her body. De guy tell all him life history from when dem marry for Naija to when dem come yankee, and to how many times de woman don luck am up for no reason.
My guy just dey lament for de video how him wife tell am say anoda Naija guy dey do clearing and forwarding for her body. De guy tell all him life history from when dem marry for Naija to when dem come yankee, and to how many times de woman don luck am up for no reason.
LIBATION
Everyday na so I dey witness new tins wey dey suprise me about yankee people. Dis weekend I see with my korokoro eyes as one akata guy wey dey pray during one occassion wey I attend, begin do sometin wey I dey usually see old chief for my village dey do when him wan pray to de ancestors.
I attend sometin for hia wey dem dey call family reunion (I go explain dis one for anoda time). So for de occassion to start, dem need somebody to pray. Normally na pastor de pray for dis kind tin. But de guy wey pray na one old man. I notice say him carry cup for hand before him start. Den during de prayer him begin pour libation.
I attend sometin for hia wey dem dey call family reunion (I go explain dis one for anoda time). So for de occassion to start, dem need somebody to pray. Normally na pastor de pray for dis kind tin. But de guy wey pray na one old man. I notice say him carry cup for hand before him start. Den during de prayer him begin pour libation.
IGBO LANDING
For today post, I wan tell una small history tory wey connect yankee and Naija. I believe some of una neva hia dis tory before. Dis one na about sometin wey happen for one town wey dey for Georgia state. De place na Dunbar creek wey dey for St. Simon island.
I remember one time wey me and one akata been dey talk, afta I don tell am say I from Naija, him come ask me weda I don hia about de tory of IGBO LANDING. I tell am no. So de guy come begin tell me about am.
So de tory na about some igbo people wey onyibo bring come america around early 19th century. Just like dem don dey bring people by force come yankee, dis one no get anytin unusual about am, except say dis group of igbos do sometin wey none of de onyibo people expect.
I remember one time wey me and one akata been dey talk, afta I don tell am say I from Naija, him come ask me weda I don hia about de tory of IGBO LANDING. I tell am no. So de guy come begin tell me about am.
So de tory na about some igbo people wey onyibo bring come america around early 19th century. Just like dem don dey bring people by force come yankee, dis one no get anytin unusual about am, except say dis group of igbos do sometin wey none of de onyibo people expect.
NAIJA MUSIC
As I dey cruise my moto yesterday and dey listen to SIRUS XM, I come hia music wey surprise me well well. I like to listen to reggae music for satellite radio. Na my favorite type of music. De guitar and de melody of reggae songs dey touch me for body anytime I listen to am.
So yesterday as usual, I tune to sirus xm reggae station, and den afta 3 songs don play, I come begin hia, just like de sun lights up de earth, you light up my life........ Wetin I dey hia so? Na tuface African Queen dey play. Honestly, de tin shock me I no go lie. Tubaba don really go international.
So yesterday as usual, I tune to sirus xm reggae station, and den afta 3 songs don play, I come begin hia, just like de sun lights up de earth, you light up my life........ Wetin I dey hia so? Na tuface African Queen dey play. Honestly, de tin shock me I no go lie. Tubaba don really go international.
MY FUNNY TRAFFIC LIGHT EXPERIENCE
My hurry hurry and ova sharp guy don make me to get ticket wey I no expect. Well..., I been kind of expect am. When I been comit de offence I kind of feel say dem catch me. And de mail wey I see for my mail box yesterday don confirm wetin I been tink.
Last two weeks I been travel go Indianapolis to go see my elder bros and him family. And I travel with 6:00pm flight. I book my flight late and de only ticket wey I find na evening flight. I arrange to drive from work to board my flight.
Dat experience don make me realize say ee fit be very bad idea to work de same day wey you need to fly. I close work den begin drive to airport. Tinking say I get enough time, I begin take my sweet time dey drive jejelly to de airport.
Last two weeks I been travel go Indianapolis to go see my elder bros and him family. And I travel with 6:00pm flight. I book my flight late and de only ticket wey I find na evening flight. I arrange to drive from work to board my flight.
Dat experience don make me realize say ee fit be very bad idea to work de same day wey you need to fly. I close work den begin drive to airport. Tinking say I get enough time, I begin take my sweet time dey drive jejelly to de airport.
TAX RETURN
Dat time of de year wey govment go wan make you report ya sef don come again. From January to around middle April, everybody must file dem tax papers to IRS (na de oga kpata-kpata for revenue collection for yankee).
You go tell govment how much you make for the year wey just pass. Also how many people wey you take care of, like ya pikin or papa and mama. How much awoof money wey you give as charity and how many property wey you get as at last year.
Omo..., de tin dey very complicated. You get to fill out like ten forms and for each one you go make sure say no mistake dey inside. Any mistake, dat one don turn to fraud. And IRS for hia dey worse dan state CID for Naija. For hia de fia of IRS na de begining of wisdom.
You go tell govment how much you make for the year wey just pass. Also how many people wey you take care of, like ya pikin or papa and mama. How much awoof money wey you give as charity and how many property wey you get as at last year.
Omo..., de tin dey very complicated. You get to fill out like ten forms and for each one you go make sure say no mistake dey inside. Any mistake, dat one don turn to fraud. And IRS for hia dey worse dan state CID for Naija. For hia de fia of IRS na de begining of wisdom.
TREE HOUSE
Some people dey find place to build house sotey dem come decide to build am for on top of tree. Yes oo..., tree as in leaves and branches. I see dis tin for one reality TV show where dem specialize for how to build tree house.
Na very interesting show. Dem go start from scratch. First, dem go decide de tree wey dem go wan use. Sometimes dem go choose two or three strong trees wey dey near each other. And most time na long pine trees or de type of tree wey de branch dey very very high.
Na very interesting show. Dem go start from scratch. First, dem go decide de tree wey dem go wan use. Sometimes dem go choose two or three strong trees wey dey near each other. And most time na long pine trees or de type of tree wey de branch dey very very high.
MARY JANE
Maybe you neva hear about dis type of babe before, but she be very contoversial chick for yankee oo! Dos wey don friend her type say she go make you feel good. She go make you calm down. Oda times, she go make you laff well well and forget ya wahala for some time.
Depending for de State wey you meet her, ee fit dey legal to friend her OR very illegal to even dey around her. De number of people wey don go jail because of her plenty no be small. From old people to youngie dem and even teenagers, everybody don hia am for Mary Jane hand.
BOKO MARAM abi na BOKO MAGA
Na with serious vex for my mind wey I dey take write dis post. I don tire for dis people and dem madness. Everyday when I check Naija news online, na dem smelling stupid gist I go dey see. De tin don too much. Which time wey dem go stop dis kill kill.
You turn TV to hia news, na one of dos tory about Naija wey you just no wan hia go dey for news. Na wa for dis people. Ee don too much. God oo, we need ya helep for dis one. We govment no sabi wetin to do (dat one no surprise me at all).
You turn TV to hia news, na one of dos tory about Naija wey you just no wan hia go dey for news. Na wa for dis people. Ee don too much. God oo, we need ya helep for dis one. We govment no sabi wetin to do (dat one no surprise me at all).
EE DON TEY WHEN I BAFF COLD WATA
You no go know how lucky you dey until you lose sometin wey dey like common tin to you. For here, if I decide to baff hot wata five times everyday, I fit do am. I no go even worry about if wata heater dey work or if wata dey run for my tap. All I need to do na to turn my hot wata tap and de shower go supply me with hot wata.
I no even fit remember de last time wey I baff with cold wata. Well..., I remember! Ee happen day before yesterday. I discover say my apartment wata heater no dey work. I need to baff, I don dey go late and so I no get enough time to boil wata for electric stove.
Omo mehn..., to pour de cold wata for my body no been dey easy at all. Na so I try to pour de wata for my body small small. And na so I dey withdraw my sef like say de tin dey shock me. See me way dey baff cold wata for Naija like no man business, come dey here dey form like say de tin dey new to me.
I no even fit remember de last time wey I baff with cold wata. Well..., I remember! Ee happen day before yesterday. I discover say my apartment wata heater no dey work. I need to baff, I don dey go late and so I no get enough time to boil wata for electric stove.
Omo mehn..., to pour de cold wata for my body no been dey easy at all. Na so I try to pour de wata for my body small small. And na so I dey withdraw my sef like say de tin dey shock me. See me way dey baff cold wata for Naija like no man business, come dey here dey form like say de tin dey new to me.
Subscribe to:
Posts (Atom)
